Ka përfunduar 1-1 sfida mes Kukësit dhe Tiranës në ndeshjen hapëse të sezonit të ri në Abisnet Superiore.
Ndeshja u hap me gol për verilindorët pas vetëm 3 minutash lojë, kur Daci realizoi për 1-0.
Në pjesën e dytë Tirana nuk u dorëzua dhe gjeti golin me Xhixhën në minutën e 56′.
Kujtojmë që vendasit ngelën me një lojtar më pak pas daljes me karton të kuq të autorit të golit, Daci në minutën e 71′.
Në ndeshjen e radhës, Tirana luan në transfertë ndaj Egnatias, ndërsa Kukësi sfidon në Loro Borici Vllazninë.
Gjatë ndeshjes nuk munguan dhe episodet, ku tifozët kuksianë e përshëndetë me një shishe kokës golashënuesin më të mirë të sezonit të kaluar, Taulant Seferin.
Në ndeshjen e parë sezonale që është edhe e fundit për bomberin bardhebu, në minutën e 90 një shishe e lëshuar nga shkallët e arenës kuksiane shënjestroi sulmuesin e Kombëtares që largohet nga Shqipëria me këtë kujtim të veçantë.
Shikoni momentin kur Seferi evitoi më të keqen duke ia hedhur paq në fund të ndeshjes Kukësi-Tirana.
