Kampioni i botës në peshën e rëndë Oleksandr Usyk është parë me fytyrë të mavijosur pas përballjes së tij me Anthony Joshua të shtunën mbrëma.
Boksieri ukrainas ruajti tre titujt e tij botëror në peshën e rëndë në një fitore rraskapitëse me vendim të ndarë në Arabinë Saudite.
Ai u pa në aeroport me dy sy të mavijosur nga përleshja dhe mbante një çantë në shpinë.
Usyk do të ketë pak kohë për t’u qetësuar pas fitores ndaj Joshuas, megjithatë, pasi ‘Sportsmail’ kupton se ekipi i tij tashmë po planifikon një luftë kundër Tyson Fury që do të mbahet në Arabinë Saudite këtë dhjetor.
Ajo do të zhvillohej një ditë para finales së Kupës së Botës në Katar, duke krijuar një javë të madhe sporti për Lindjen e Mesme.
Fituesi i betejës do të kombinonte rripat e Usyk si WBA, IBF dhe WBO me titullin WBC të Furyt, megjithëse britaniku do të duhet të dalë zyrtarisht të premten të tregojë se nuk po pensionohet, në mënyrë që të mos lirojë rripin e artë.
