Ministrja për Evropën dhe Punët e Jashtme, Olta Xhaçka , ishte e ftuar në ekspozitën fotografike të hapur në Tiranë që u mbajt me rastin e 31-vjetorit të pavarësisë së Ukrainës.
Në fjalën e saj ajo tha se ndjehej krenare për gjithçka që Shqipëria ka bërë për Ukrainën, duke shprehur mbështetjen për popullin dhe kontributin për përfundimin e luftës.
“Ukraina dhe njerëzit e saj po luftojnë jo vetëm për veten por edhe për ne. Ata po luftojnë për paqen dhe sigurinë e Evropës dhe botës, për sistemin e bazuar në rregulla nga i cili varet stabiliteti dhe prosperiteti i të gjithëve ne.
Për këtë arsye unë jam krenare për gjithçka që Shqipëria ka bërë për të mbështetur Ukrainën dhe popullin e saj dhe për kontributin për përfundimin e luftës“, u shpreh ajo.
