Mijëra orë regjistrime kamerash dhe më shumë se 110 persona janë mbajtur nën përgjim nga Policia, por biznesmeni dhe i shumëkërkuari i SPAK, Ervis Martinaj është shfaqur vetëm në dy episode. Ai u shfaq mbrëmjen e 7 Gushtit 2022 në ambientet e një hoteli në plazhin e Durrësit dhe një ditë më pas, në 8 gusht 2022, imazhi i tij është parë në Tiranë në ambientet e një biznesi që ndodhet në zonën e “Zogut të Zi”.
Biznesmeni ka qenë i shoqëruar nga një vajzë nga qyteti bregdetar, figurë shumë e njohur publike, sipas burimeve. Mësohet se ajo është një nga misset shqiptare të viteve të fundit, e cila kishte një marrëdhënie intime me Martinajn.
SPAK ka në dorë video e filmime me missin që shoqëron Martinajn, por këto pamje nuk janë bërë publike.
Ende nuk dihet roli i vajzës, por emri i saj mesa duket mbahet konfident për të mos cënuar hetimet.
