Një makinë e djegur është gjetur së fundmi në lagjen Dritas, pranë Rinasit. Në media thuhet se makina e djegur është tip “Touareg” dhe kanë qenë banorët ata që kanë dhënë alarmin në polici më 22 gusht.
Ka dyshime se ky mjet është vjedhur në janar në afërsi të zonës së “3-shit” dhe hetuesit besojnë se mund të jetë përdorur në ngjarjet kriminale të ndodhura së fundmi në vend. Dyshimet janë se ky automjet mund të jetë përdorur nga një personazh i krimit të kësaj zone.
Në kamerat e sigurisë është zbuluar se mjeti ka ardhur nga Nikla dhe pastaj është djegur në një nga tunelet e lagjes Dritas, pranë Rinasit.
