Juventus barazoi 1-1 me Romën, në ndeshjen e kampionatit. Trajneri i “Zonjës së Vjetër”, Maximilliano Allegri u shfaq para mediave në përfundim të takimit. Allegri shprehet se ishte një ndeshje e bukur dhe ka vetëm fjalë të mira për teknikun rival Mourinho dhe ekipin që drejton ai.
“Kampionati është i gjatë dhe këto ndeshje ne rrezikojmë edhe t’i humbim. Kemi rrezikuar kapitullimin në një tjetër goditje nga këndi, skuadra zhvilloi një ndeshje të mirë, ishim agresivë dhe teknikisht kemi luajtur mirë. Por në pjesën e dytë deri te goli i barazimit mund edhe të shfrytëzonim më mirë krahun e majtë. Ishte një ndeshje e bukur, Roma është një skuadër e madhe dhe Jose është gjithmonë i aftë të mbajë ekipin në lojë.
Mourinho tha se kishin fat? Jose është gjithmonë simpatik dhe i kthjellët në mënyrën si sheh ndeshjet. Kur nuk e mbyll ndeshjen, mund të kapitullosh me një episod dhe ashtu ndodhi. U munduam të bënim diçka ndryshe në pjesën e dytë deri te goli. Por pastaj duhet thënë se pas një pjese të parë me një ritëm të tillë, është normale ta paguash në pjesën e dytë. Në pjesën e parë duhet të menaxhonim më mirë energjitë. Nuk mund të mendojmë që një skuadër dominon plotësisht 90 minutat, por e thënë kjo, jam i kënaqur me paraqitjen.
Mireti luajti si veteran, ka qetësi në menaxhimin e topit, ka një kontroll të parë gjithmonë përpara. Pastaj u tregua i aftë edhe Cuadrado të luante pas krahëve të Pelegrinit dhe të gjente edhe më shumë hapësira.
Çfarë roli për Milik? Si fillim është e rëndësishme të rikuperojmë Chiesa, Pogba dhe Di Maria. Unë nuk flas kurrë për mungesat, por për ne këta tre lojtarë janë shumë të rëndësishëm. Në këtë moment nuk i kemi dhe skuadra po sillet mirë” – tha ai.
