Max Verstappen me Red Bull fitoi sot garën e Çmimit të Madh të Belgjikës në Formula 1, një garë ku piloti holandez u nis nga vendi i 14-të dhe e përfundoi atë i pari. Ai ishte i papërmbajtshëm në këtë garë, duke bërë një paraqitje te shkëlqyer dhe parakaluar një e nga një të gjithë rivalët.
Një fitore që e afron edhe më shumë Verstappen me titullin kampion, pasi shkëputet edhe më shumë me ndjekësit. I dyti u rendit shoku i tij i skuadrës Sergio Perez, ndërsa në vendin e tretë u rendit Carlos Sainz me Ferrari.
Një garë për t’u harruar kjo për Charles Leclerc me Ferrari, që u klasifikua i gjashti (u nis nga vendi i 15-të). Ai mori edhe një penalitet prej 5 sekondash, duke humbur një pozicion pas garës.
Ferrari në këtë garë la shumë për të dëshiruar, duke mos qenë në ritmin e Red Bull, shumë e shpejtë. Sainz u nis nga “pole position”, e ruajti kreun në pjesën e parë të garës, por më pas u detyrua të hapë krahun ndaj dy makinave Red Bull, që ishin më të shpejta.
Leclerc pati mjaft probleme që në start, duke mos patur ritmin e Verstappen, që ishte shumë i shpejtë (16 pikë më shumë se monogasku). Një garë për t’u harruar.
