Pavel Nedved, pasi përfaqësoi Juventusin në shortin e Champions League, u rikthye në Torino për të ndjekur në “Allianz Stadium” ndeshjen kundër Romës. Rutinë e zakonshme për ish-mesfushorin, “top i Artë”, i cili u bë protagonist në tribunë edhe në një dialog me trajnerin Roberto Mancini, i kapur nga kamerat, duke u fokusuar tek Bremer, gjykuar nga leximi i buzëve.
Mirëpo, në mbrëmjen e vonë të së dielës, emri i nënpresidentit aktual të klubit bardhezi u bë trend në rrjetet sociale për shkak të një situate që nuk ka lidhje me futbollin. Në fakt, është shfaqur një video që tregon një Pavel Nedved të ‘pacensuruar’.
Në përmbajtjen e cila në një kohë shumë të shkurtër u bë “virale” e shohim drejtuesin e Juventusit në qëndrime intime me tri femra. Në këtë video, ishmesfushori, në një klub me miqtë, po merret me një kërcim të veçantë. Nedved e lejon veten në një lloj “treni” me “vagona” shumë të afërt, pa frena, i kompletuar me përkëdhelje. Të qeshura dhe relaks i madh, që dikush e regjistroi dhe më pas e transmetoi. Gjithçka është postuar në rrjetet sociale, rreth 24 orë pas Juventus-Roma, edhe pse nuk ka siguri për kohën e festës së shfrenuar.
Nga ana tjetër, Nedved është një burrë sentimentalisht i lirë prej rreth nja dy vitesh. Sipas raportimeve nga Republika Çeke, ish-futbollisti është ndarë përgjithmonë nga gruaja e tij. Javët e fundit janë shfaqur zëra për jetën e re të dashurisë së Nedved me këngëtaren dhe aktoren e njohur Dara Rolins.
Kjo video nuk është e vetmja që është shfaqur në rrjetet sociale orët e fundit. Në fakt, janë publikuar edhe dy përmbajtje të tjera, që i atribuohen Pavel Nedved, edhe pse nuk ka siguri se është ai. Në njërën, të regjistruar nga brenda një klubi, shohim një burrë që lëkundet nga pas (i dehur).
Në prag të rënies disa herë në rrugë, burri me flokë të dendur bjond dhe kostum mezi mbahet në këmbë. Në tjetrën, ballore dhe e regjistruar në të njëjtin vend, i njëjti person me flokë bjond ecën këtë herë me xhaketën në dorë në drejtim të klubit.
Pavarësisht përhapjes pothuajse të njëkohshme të të tria përmbajtjeve, duhet përsëritur se për momentin është e pamundur të përcaktohet koha e tyre dhe kur datojnë ato. E sigurt është se në pak orë është bërë “viral” emri i lavdisë së madhe bardhezi, kësaj here jo për topin.
Esta disfrutando bastante nedved pic.twitter.com/y56eEjI2Zr
— JUVENTUS ARGENTINA (@JUVEARGENTINA__) August 28, 2022
