Ka nisur në këto momente protesta në Tiranë, kundër përdhunimit të 11-vjeçares nga 5 meshkuj dy ditë më parë në Prishtinë.
Qytetarët janë mblledhur në sheshin Nënë Tereza për të protestuar kundër dhunimit të të miturve.
Me pankartat në duar: “Unë bërtita jooooo”, “Edukoni djemtë të mbrojnë vajzat”, ata bëjnë thirrje që të mbrohen vajzat dhe gratë nga përdhunuesit.
Kësaj proteste i janë bashkuar edhe personazhë të njohur për publikun si Fifi, Beatrix Ramosaj, Monika Lubonja, etj.
Më herët gjatë ditës së sotme, qindra qytetarë kanë dalë në rrugët e Prishtinës në shenjë proteste, kundër dhunës seksuale ndaj vajzave dhe grave. Ky tubim u iniciua fillimisht nga këngëtarët e njohur si: Dafina Zeqiri, Fifi, etj, të cilëve më pas iu bashkuan edhe shumë qytetarë.
Në marshimin e sotëm në Prishtinë morën pjesë: Dafina Zeqiri, Dj Geek, Adriana Matoshi, Shyhrete Behluli me të bijën, Engjëllusha Salihu, Ron Zaiti, Ana Kabashi, Teuta Krasniqi, Lyrical Son dhe ish-presidentja e vendit, Atifete Jahjaga.
