Ministrja e Infrastrukturës dhe Energjisë Belinda Balluku lajmëroi sot se me vendimin e Këshillit të Ministrave këtë të mërkurë janë liruar nga detyra dy zëvendësministra, Ardi Veliu dhe Dallëndyshe Bici.
Kjo e fundit, është rikthyer në ‘shtëpinë e saj të vjetër’, në krye të Inspektoratit Kombëtar të Mbrojtjes së Territorit.
Në maj të vitit 2021, Bici liroi karrigen për tu zëvendësuar nga Ajet Zyberi. Ky i fundit ka shërbyer më parë në Policinë e Shtetit, ku ka pasur edhe rolin e drejtorit të policisë në Korçë.
Vetë Bici kandidoi edhe në zgjedhjet e 25 prillit 2021, por nuk u zgjodh. Më pas, ajo u emërua së fundmi në rolin e zëvendësministres së Mbrojtjes, nga ku u lirua sot. Pas një periudhe 1-vjeçare largimi nga IKMT-ja, Bici do të jetë sërish në krye të këtij institucioni.
