Mesnata e sotme shënon zyrtarisht mbylljen e merkatos së verës për këtë sezon futbollistik.
Një nga temat më të nxehta ka qenë sigurisht e ardhmja e Cristiano Ronaldos. Sulmuesi portugez shprehu pakënaqësinë e tij për situatën në klub, duke lënë të kuptohet se dëshiron të ndërrojë destinacion.
Gjithçka mori “flakë” kur Ronaldo u largua nga stadiumi në pjesën e parë të një ndeshjeje. Në orët e fundit mediat britanike flasin edhe për një kalim të Ronaldos të Milani, por gjithçka varet nga lëvizja që do të bëjë një tjetër lojtar, Rafael Leao.
Megjithatë, gjithçka flet për një qëndrim të portugezit në Old Trafford. Trajneri i Manchester United e ka grumbulluar lojtarin për ndeshjen e sotme me Leicester, duke dhënë kështu një sinjal.
Edhe pse CR7-ta do e nisë nga stoli gjasat janë të mëdha që ai të qëndrojë te djajtë e kuq, të paktën deri në hapjen e transferimeve të dimrit.
