Presidenti ukrainas Volodymyr Zelensky po lufton me forcat ukrainase, me sa duket në shumë fronte.
Në mediat italiane prej ditësh është përhapur një lajm që, në qoftë se verifikohet, do të përbënte një paradoks ose të paktën një autogol te pavullnetshëm për imazhin e tij.
Familja Zelensky prej vitesh kanë në pronësi një vilë në Itali, në një nga zonat turistik e më luksoze të Italisë, Forte Dei Marmi.
Vila e blerë rreth 4 milionë euro, pothuajse e pabanuar prej kohësh, jepet me qira. Shifrat në pikun e verës shkojnë edhe në 50-70 mijë euro në muaj.
Mirëpo, sipas mediave italiane, qiraxhinjtë e pasur të vilës së familjes Zelensky me shumë mundësi janë rusë.
Dëshmitë janë të shumta, nga komshinjtë që kanë dëgjuar njerëz që flasin rusisht deri tek selfie i një gruaje pikërisht te vila, me shkrimin ironik, “Si ka mundësi? Një banore ruse në shtëpinë e presidentit ukrainas?
Material i mjaftueshëm për të vënë në siklet presidentin ukrainas, që pak javë më parë ftonte autoritetet italianë të mos i jepnin viza turistëve rusë, ndërkohë që rusë t’i kanë hyrë në shtëpinë e tij private.
