Shpesh në farmacitë shqiptare ndodh që ka mungesë medikamentesh dhe kjo është një problematikë që shqetëson qytetarët.
Së fundmi kjo gjë ka ndodhur edhe medikamentin Plavix, i cili prej ditësh mungon në tregun farmaceutik shqiptar. Plavix është një medikament, i cili përdoret për të ulur riskun e probleme kardiovaskulare. Veçanërisht ai shërben për parandalimin e grumbullimit të trombociteve në enët e gjakut, gjë që mund të shkaktojë pasoja si infarkti në zemër.
Pikërisht një medikament kaq i rëndësishëm për qyetetarët që e aplikojnë atë, mungon dhe momentalisht nuk mund ta gjesh në asnjë farmaci.
Kjo gjë i ka shqetësuar së tepërmi qytetarët, të cilët kërkojnë zgjidhjen e kësaj problematike.
