Rasti i 11-vjeçares ka tronditur opinionin publik, në Shqipëri e Kosovë dhe jo vetëm.
Teksa detaje të reja dalin çdo ditë lidhur me rastin, Gjykata Themelore në Prishtinë ka caktuar masën 30 ditë paraburgim ndaj të pandehurve D.RR, G.S, B.S, F.S, M.S dhe M.R, pasi dyshohet se kanë trafikuar dhe dhunuar 11-vjeçaren.
Ata dyshohet se në qershor kanë abuzuar me të miturën e cila dyshohet se një javë më parë është dhunuar nga pesë persona të tjerë në Prishtinë, e të cilët po ashtu janë në paraburgim.
Sipas informacioneve nga Prokuroria nga pesë të dyshuarit dy janë të mitur.
Për shkak të këtij rasti, drejtori i përgjithshëm i Policisë së Kosovës, Samedin Mehmeti dha dorëheqje nga posti. Po ashtu ka pasur edhe protesta në Prishtinë dhe Tiranë.