Teksa pritjes duket se po i vjen fundi, sepse spektakli nis pikërisht në muajin tetor, pak nga pak po zbulojmë edhe artistët dhe personazhet vip që do t’i bashkohen “Dancing with the Stars”.
Mes tre konkurrentëve të parë, është edhe blogerja Sara Hoxha, partnerja e Ledri Vulës.
Lajmi u konfirmua nga vetë faqja zyrtare e ‘Dancing With the Stars’ në Instagram: “Gati për të thyer rrjetin me kërcimet e saj, Sara Hoxha, influencer, nis rrugëtimin në #DWTS”, shkruhej në postim.
View this post on Instagram
Por, cili do të jetë partneri i saj i kërcimit? Vetë Ledri e ka ‘ngacmuar’ Sarën me një postim në InstaStory, ku ka ripostuar lajmin që Sara do të jetë pjesë e “DWTS”.
“Partner kon e ki?”– shkruan Ledri ndërsa Sara ia kthen: “Mos je gjë ti?”.
Kujtojmë se Sara na ka njohur tashmë me aftësitë e saj në kërcim, teksa jo pak herë ka bërë video në Tik Tok, që në shumë pak kohë janë bërë virale, ndërsa Ledrin nuk e njohim në këtë aspekt. Sidoqoftë, jemi të sigurt se edhe në skenë do të ishin një super çift, siç janë në jetën reale.
