Ekspertiza balistike/ Masakra e Fushë-Krujës u krye nga një armë, u qëllua me 91 plumba

113 563 lexime

124,178FansaPëlqeje

Elton Qyno

Vrasja e 3 fishtë në mbikalimin e Fushë-Krujës, ku humbën jetën Brilant Martinaj, Diklen Vata dhe Besmir Hoxha, është kryer nga një armë e vetme.

Mesditën e 17 korrikut një person me armë automatike, ka qëlluar në drejtim të makinës “Passat”, ku udhëtonin tre viktimat, njëri prej tyre djali i xhaxhait të biznesmenit të lojrave të fatit, Ervis Martinaj.

Përdorimi i vetëm një arme në këtë ngjarje të rëndë, është faktuar nga ekspertiza balistike që i është kryer gëzhojave të sekuestrura në vendin e ngjarjes. Redaksia, ka mësuar se bëhet fjalë për 91 gëzhoja automatiku, që janë gjetur dhe sekuestruar në vendin e ngjarjes, të cilat pas ekzaminimeve të kryera në laboratorin e policisë shkencore, rezultojnë se janë qitur nga një armë e vetme.

Ky konkluzjon ka ardhur, duke u bazuar në përgjigjen shkencore të laboratorit. Një fakt i tillë del nga ekzaminimi mikroskopik i gjurmës së kapsollave të gëzhojës, të cilat kanë të njëjtën gjurmë goditëse nga gjilpëra e armës.

Detaji ka befasuar grupin e hetimit, pasi sipas tyre taktikisht është e pamundur që një person i vetëm, të ketë qëlluar plot 91 herë me një armë, brenda një kohe shumë të shkurtër.

Por pavarësisht dyzimit të oficerëve ekspertiza balistike, ka dalë në konkluzjonin se 91 gëzhojat janë qëlluar nga e njëjta armë.

Sipas burimeve, ka shumë gjasa që autori, i cili ka hapur zjarr ndaj tre viktimave, ka qënë një komando i stërvitur me armën, dhe me shumë mundësi të ketë ndëruar karikatorin disa herë.

Hetimet për këtë ngjarje të rëndë, ku humbën jetën 3 persona, janë përqëndruar pikërisht në përplasjen mes familjeve të Martinaj dhe Reçit në Laç.

Lexo edhe :  Arrestohet “piloti” nga Kamza, kreu manovra në rrugë me Audi dhe përplasi 5 këmbësorë

Të dyja familjet nga muaji Gusht 2019 e deri më tani, janë përfshirë në një konflikt duke u shoqëruar me atentate të ndërsjellta mes tyre.

Por ajo që nxori në sipërfaqe të gjithë konfliktin mes tyre, është pikërisht masakra e Fushë-Krujës, ku humbën jetën tre persona. Në këtë ngjarje mësohet të kenë marë pjesë më shumë se 4 persona, por vetëm një individ rezulton të ketë qëlluar me armë automatike.

Ndërsa në makinën e djegur tip “Passat” që autorët e krimit përdorën për vrasjen, policia sekuestroi tre armë, dy automatikë kallashnikov dhe një MP5.

Deri në këtë fazë ku ndodhet hetimi, policia ka grumbulluar dëshmi dhe prova të tjera që vërtetojnë se makina tip “Passat”, e autorëve ka qëndruar në këtë vendin këtu buzë rrugës nacionale Kamëz-Fushë-Krujë, dhe sapo ka parë mjetin ku lëvizte Brilant Martinaj dhe dy shokët e tij, ka xhiruar gomat me shpejtësi duke i shkuar nga pas.

Në vendin e mbikalimin, autorët kanë parakaluar mjetin ku ndodheshin viktimat dhe sipas burimeve një person i vetëm ka qëlluar në drejtim të tyre, duke i lënë të vdekur në vend.

Të fundit

Ministeriali i Evropës Juglindore, agjenda e ditës së sotme! Ja rrugët që do të bllokohen

Ministeriali i Procesit të Bashkëpunimit në Evropën Juglindore (SEECP), do të mbahet ditën e sotme në kryeqytetin tonë, e...

Bekim Fehmiu, legjenda shqiptare e filmave të huaj

Ai njihet si aktori më i famshëm ndër shqiptarët. Luajti në të gjithë hapësirën e ish-Jugosllavisë dhe u hodh në Evropë ku më së...

Topi mesazh Berishës: Jam gati t’i bashkohem PD-së nëse kërkon falje për 2008-ën

Ish-Presidenti i Republikës, Bamir Topi, ka kritikuar ashpër kryedemokratin Sali Berisha dhe kupolën drejtuese të PD-së, pas humbjes së zgjedhjeve të 11 majit. Në një...

Çmimet e naftës rriten përsëri, ndërsa konflikti Izrael-Iran nuk tregon shenja qetësimi

Çmimet e naftës vazhduan të rriten ndjeshëm të dielën, duke shtuar rritjen prej 7% nga java e kaluar, ndërsa konflikti midis Izraelit dhe Iranit...

Konflikti Iran–Izrael: Retorikë Lufte, Goditje të Drejtpërdrejta, Reagime Ndërkombëtare

Nga: Monada Mehmetaj Myshketa, Strasbourg Kriza në Lindjen e Mesme ka hyrë në një fazë të re përshkallëzimi të rrezikshëm, ku retorika politike po konsumohet...

Lajme të tjera

Web TV