Një komision parlamentar i përbashkët mes opozitës dhe mazhorancës do të marrë në shqyrtim zbatimin e reformës Administrativo-Territoriale të miratuar në vitin 2014 dhe pritet të hartojë një projekt të ri për ndarjen territoriale.
Por, nuk janë vetëm demokratët që kërkojnë ndryshimin e hartës aktuale territoriale me 61 bashki për ta çuar në mbi 80.
Në komisionin e posaçëm të reformës administrative vijoi dëgjesa me përfaqësues të bashkive. Nënkryetari bashkisë së Tiranës Arbi Mazniku deklaroi se nuk mund të mos thuhet se reforma ka qenë një sukses i jashtëzakonshëm.
Më pas numri dy bashkisë së Tiranë kërkoi që kjo reformë të ndryshojë kompozimin aktual të bashkisë më të madhe në vend.
“Të shtohet në bashkinë Tiranë, Vora edhe Kamza”, tha Mazniku
Në kushtet kur Mazniku kërkon këtë ndryshim paçka se nuk e kanë artikuluar publikisht demokratët synojnë që njësitë administrative Farkë dhe Baldushk t’i kthejnë në bashki.
