Një verë e kaluar me shumë zëra në lidhje me të ardhmen dhe një fillim i sezonit te Manchester United jo shumë i mirë, megjithatë Cristiano Ronaldo mund të bëjë akoma diferencën, për klubin e tij dhe për Portugalinë.
Për këtë është i sigurt Luis Figo, legjenda e futbollit portugez, i cili ka folur për cilësitë e pesë herë fituesit të Topit të Artë në një intervistë të dhënë për Football Talks.
Ish-futbollisti, me një të kaluar edhe në Itali me fanellën e Inter-it, ka folur për Cristiano Ronaldo-n dhe për ndikimin që ka ai te Portugelia në prag të Kupës së Botës në Katar.
“Portugalia ka një nga skuadrat më të mira në botë, por është logjike që fitorja e një Europiani ose një Botërori varet nga disa faktorë, jo vetëm cilësia individuale apo e kolektivit.
“Gjithsesi, unë jam optimist se Portugalia do të mund ta shprehë të gjithë vlerën e saj dhe të arrijë në finale dhe ta fitojë Kupën e Botës”.
Duke folur për Cristiano Ronaldo-n: “Askush nuk ka dyshime mbi cilësitë e tij, rendimentin dhe profesionalizmin e Cristiano Ronaldo-s. Jam i sigurt se do të jetë në formën më të mirë të mundshme në Botëror.
“Pa asnjë dyshim, për cilësitë dhe profesionalizmin e madh, mendoj se Portugalia dotë jetë e qetë në lidhje me atë që ai do të mund t’i japë kombëtares”.
