Presidenti i Italisë Sergio Mattarella do të zhvillojë një vizitë zyrtare 2 ditore në Shqipëri. Pas mbërritjes së tij një ditë më parë në vendin tonë, Mattarella sot do të pritet nga kreu i shtetit Bajram Begaj me ceremoni shtetërore në Pallatin e Brigadave në orën 10.00.
Pas takimit, mes dy Presidentëve do të ketë një deklaratë për median nga dy homologët. Gjatë kësaj vizite Presidenti Mattarella do të zhvillojë takime edhe me zyrtarë të lartë të shtetit shqiptar.
Mattarella mbërriti dje në vendin tonë dhe u prit në aeroportin ndërkombëtar ‘Nënë Tereza’ nga ministrja e Arsimit, Evis Kushi dhe ambasadori italian në vendin tonë, Fabrizio Bucci.
Në vizitën e tij, Mattarella shoqërohet nga Ministrja e Universitetit dhe Kërkimit Shkencor Maria Cristina Messa.
