Në ditën e djeshme të Europa League: Lazio i Sarrit fitoi ndaj Feyenoord, kurse nga ana tjetër Roma e Mourinhos “gjunjëzohet” në Bullgari ndaj Ludogorets.
Por përtej futbollit, fokusi kryesor i mediave sportive dhe botërore, kthehet nga Britania. Është ndarë nga jeta Mbretëresha Elizabeth II (1926-2022). Futbolli është në ditë zie dhe 1 minutë heshtje do të mbahet në çdo kampionat para fillimit të ndeshjeve.
Ndjekim titujt kryesorë të mediave sportive për ditën e sotme:
La Gazzetta dello Sport hapet me Interin që merr faqen e pare në kopertinë: “Shoku kundër krizës”. Përballja mes drejtuesve, Inzaghit dhe skuadrës. Tre udhëzime që duhen ndjekur: bashkohuni, zbluoni problemin dhe ndaloni gjestet flagrante.
“Sarri në fluturim, Mou në tokë” është titulli i Corriere dello Sport. Në Europa League: Lazio fiton ndaj Feyenoord me rezultat 4-2, kurse nga ana tjetër Roma e Mourinhos mposhtet nga bullgarët e Ludogorets me rezultat 2-1.
Gazeta madrilene AS hapet me tenistin spanjoll: ‘Unë jam dem’. Alcaraz është në kërkim të finales së US Open kundër Tiafoe.
“Sa barbare” ks shkruar prestigjozja Marca. Alcaraz shijon ëndrrën në US Open dhe tashmë është gjysmëfinalist pas një fitoreje epike ndaj Sinner.
Katalanasja Sport hapet me “Impakti Lewandowski”. Sulmuesi polak ka shënuar 8 gola në 5 ndeshje dhe tashmë është lideri i ri i Barçës. Ai do të luftojë me Haaland dhe Mbappe për titullin e golashënuesit më të mirë europian.
Tuttosport hapet me zgjedhjen: “+ të rinjtë – shpenzimet = përparimi i Juves”. Bardhezinjtë kanë përfshirë në skuadër tre lojtarë nga skuadra e dytë: është fillimi i një politike të re për të arritur qëndrueshmërinë.
Në Britani, The Guardian ia kushton faqen e pare ndarjes nga jeta të: Mbretëreshës Elizabeth II. The Guardian, ka zgjedhur një fotografi të Mbretëreshës që nga fillimi i mbretërimit të saj. Portreti i fuqishëm tregon Mbretëreshën duke mbajtur kurorën dhe duke mbajtur skeptrin e saj në kurorëzim.
