Në pikën kufitare te Kakavijës ndodh shpesh të hasësh problematika të ndryshme, që shkaktojnë radhë kilometrike për emigrantët të cilët presin të kalojnë kufiri.
Një gjë e tillë ka ndodhur dhe gjatë 24 orëve të fundit ku në këtë doganë që prej mbrëmjes së djeshme, është bllokuar kalimi në kufi për shkak të problemeve kompjuterike me sistemin TIMS.
Në radhë janë makina, autobusë dhe qytetarë, të cilët presin me orë të gjata të kalojnë në shtetin fqinj. Kjo situatë ka shkaktuar kaos dhe acarim tek udhëtarët, pasi disa prej tyre presin që nga dita e djeshme për të hyrë në shtetin fqinj.
Ndërkohë policat po punojnë në mënyrë manuale, me regjistra në mënyrë që të mos shtohet trafiku. Problemi ndodhet vetëm në pikën kufitare shqiptare, pasi pala greke po punon normalisht.
Momentalisht po punohet për të rikthyer sistemin. Teknikët kanë mbërritur që prej marrjes së njoftimit dhe po punojnë për rikthimin në normalitet, por ende nuk dihet sesa mund të zgjasë.
