Mbappe dëshiron t’i bëjë të gjithë të kuptojnë, brenda dhe jashtë skuadrës, se është ai që komandon te PSG. Dëshira për t’u imponuar e bën francezin të marrë disa qëndrime që nuk i përshtaten saktësisht atij lidershipi, i cili duhet të bazohet jo vetëm në teknikë dhe qëllime, por edhe në ndjeshmëri.
Nëse Mbappe ka një aleat në dhomat e zhveshjes së PSG-së, ai është Achraf Hakimi. Anësori maroken, një lojtar i akademisë së Real Madridit, ka pasur një marrëdhënie të veçantë me sulmuesin që kur ai nënshkroi për skuadrën pariziene verën e kaluar.
Në orët e fundit është bërë virale një video që nxjerr në pah një tjetër episod të arrogancës së francezit. Pamjet tregojnë dialogun mes Mbappe-s dhe Hakimit duke u kthyer në fushë pas intervalit të një ndeshjeje. “Shiko videon, duhet ta ma pasosh mua”, dukshëm i zhgënjyer nga një zgjedhje e gabuar e partnerit të tij, i cili nuk pasoi siç donte Mbappe.
Në atë moment, Hakimi e kuptoi gabimin dhe u përgjigj: “Po, më vjen keq. E pashë videon”. Por Mbappe vazhdon: “Nuk mjafton të kërkosh falje, duhet të ma pasosh mua”. Një përgjigje që po ngjall reagime të shumë fansave të PSG dhe jo vetëm.
Mbappé: "I swear watch the video."
Hakimi: "If it's like that, I'm sorry."
Mbappé: "It's not enough to be sorry, give a good ball!" pic.twitter.com/XpYDdZyBKB
— EuroFoot (@eurofootcom) September 9, 2022
