Nëse ndodheni në plazh, shitore apo restorante, atëherë do të dëgjoni shumë gjuhë të huaja, duke kuptuar se vijnë turistë nga mbarë Evropa për t’i kaluar pushimet në Ksamil.
Miërpo, pavarësisht motit, ata e zgjedhin Ksamilin edhe tani që jemi zyrtarisht vjeshtë. Turistë të ndryshëm kanë zgjedhur të shijojnë qetësinë dhe freskinë e shtatorit pranë detit dhe natyrës së bukur që jugu i Shqipërisë ofron. Të ardhur nga Zvicra dhe Italia, ata thonë se e kanë zgjedhur Ksamilin pasi kanë konsideruar përshtypjet e marra në internet apo nga miqtë e tyre që kane vizituar më herët.
“Kemi ardhur nga Zvicra, para tre ditësh. Deti është shumë i bukur, uji i freskët Ishim në Durrës edhe Tiranë. Na thanë që Ksamili dhe Saranda janë vende mahnitëse, Maldivet e Shqipërisë, dhe erdhëm ti shohim. Në këtë periudhe te vitit koha është më e freskët dhe çmimet më të ulëta. Do të rrimë këtu 14 ditë”, thotë njëri prej tyre.
“Jemi surprizuar nga klima dhe sjellja e mirë e njerëzve, këtu hahet shumë mirë, prisja plazhe me te mëdha, por shumë mirë është edhe kështu gjithçka është perfekt”, shton një tjetër.
Rritjen e numrit të turistëve, operatori turistik Albert Sula e lidh edhe me uljen e çmimeve.
