Kanë kaluar 21 vite nga 11 shtatori 2001, dita kur Kullat Binjake të New Yorkut u shembën pas rrëzimit të dy avionëve të rrëmbyer nga terroristët e Al-Kaedës. Mes orës 9.59 dhe 10.28, fillimisht kulla veriore dhe më pas ajo jugore u shkatërruan, duke ngritur një re të madhe pluhuri. Atë ditë, në New York, 2753 vdiqën. Ajo ditë tronditi dhe ndryshoi përgjithmonë jo vetëm Shtetet e Bashkuara, por gjithë botën. Ja faqet e gazetave ndërkombëtare të kohës.
New York Times shkruante: SHBA e sulmuar. Avionët shkatërrojnë kullat binjake dhe godasin Pentagonin në një ditë terrori.
Gazeta italiane “Corriere della Sera” hapej me titullin: Sulm ndaj Amerikës dhe qytetërimit.
Anglezja “The Guardian” e quante sulmin “Deklaratë për luftë”
Gazeta e njohur e New Yorkut, Time, përcillte një imazh horrori duke theksuar datën e ngjarjes tronditëse.
“La Repubblica” gjithashtu hapej me titullin: Sulm ndaj Amerikës
“New Yorker” shpaloste dy godinat ikonike, kullat binjake të cilat u shembën në mes të New Yorkut.
“The Economist” shkruante: Dita ku bota ndryshoi.
Prestigjozja angleze “Daily Mail” hapte faqen e parë me titullin: Apokalips.
“The Wall Street Journal” shkruante “Terroristët shkatërrojnë qendrën tregtare botërore, godasin Pentagonin me avionët e rrëmbyer.”
“Il Giornale” shkruante: Mijëra të vdekur. Në zemër të Amerikës, atentati më i rëndë në histori.
“Një akt lufte” shkruante “New York Post”.
Gazeta amerikane “People” hapej me titullin: 11 shtator, 2001, dita që tronditi Amerikën.
“The Washington Post” shkruante: Terroristët marrin peng 4 avionë, shkatërrojnë qendrën tregtare botërore, godasin Pentagonin, qindra të vdekur.
Gazeta franceze “Liberation” hapej me një imazh nga ngjarja e rëndë dhe datën e sulmit terrorist 11 shtator, 2001.
Prestigjozja londineze “The Mirror” shkruante: Luftë mbi botën.
Gazeta gjermane “Die Welt” hapte faqen e parë me titullin: Sulm terrorist në zemër të Amerikës.
Gazeta britanike “The Times” shfaqte si titull të vetëm kryesor datën dhe orën ekzakte të sulmit mbi kullat binjake: 10.01 am, 11 shtator 2001.
“L’Unita” shkruante: Gjendje lufte në Amerikë.
“Zemërim i paepur” ishte titulli i gazetës së njohur amerikane “The News Leader”.
Gazeta e San Franciscos në SHBA, “The Examiner” hapej me titullin e drejtpërdrejt: Bastardë! Një Amerikë e ndryshuar.
“SHBA në luftë” shkruante e përditshmja norvegjeze “Dagbladet”.
“A është Lufta e Tretë Botërore” shkruante gazeta milaneze “Panorama”.
“The Washington Times” e cilësonte ngjarjen “Horror”.
“Detroit Free Press” hapte faqen e parë me titullin: Dita më e errët e Amerikës.
“Des Moines Register” shkruante: Bush betohet të sulmojë mbrapsht.
“Kthetrrat e terrorit” shkruante gazeta “El Nuevo Herald”.
“The Salt Lake Tribune” hapte faqen e parë të gazetës me titullin: E paimagjinueshme
