Vijon edhe ditën e sotme sesioni i Parlamentit Europian, që nisi ditën e djeshme në Strasbourg.
Sakaq, në këto momente, po zhvillohet konferenca për shtyp e presidentes së PE, Roberta Metsola dhe kryeministres së Finlandës Sanna Marin.
Kjo e fundit vjen në konferencë, pas shumë duartrokitjeve për fjalimin e saj në seancën plenare. Këtë mëngjes, kryeministrja finlandeze Sanna Marin ndau me eurodeputetët vizionin e saj për situatën në Evropë dhe të ardhmen e saj. Ky debat është i gjashti në ciklin e shkëmbimeve të quajtura “It’s Europe” në Parlamentin Europian.
Gazetarja e Fjala.al, Monada Mehmetaj, e cila po ndjek live zhvillimet, siguron pamjet ekskluzive nga Strasbourgu.
Sesioni parlamentar do të vijojë deri më 15 shtator, dhe ka si synim diskutime lidhur me gjendjen aktuale të Bashkimit Europian, në një kohë lufte, dhe para një dimri të vështirë, sa i përket krizës energjitike.
