Familja e Sérgio Conceição përjetoi momente terrori, që pasuan humbjen e FC Porto kundër Club Brugge në Ligën e Kampionëve. Gruaja e trajnerit, Liliana Conceição, u largua nga “Estádio do Dragão” me fëmijët e saj Rodrigo (22 vjeç) dhe José (7 vjeç). Teksa po kalonte nëpër zonën e Muzeut të FC Porto, pa asnjë paralajmërim ka rënë pre e një grupi tifozësh, që e kanë gjuajtur me gurë makinën me të cilën po udhëtonin dhe kanë fyer pasagjerët.
Sendet e forta kanë thyer xhamat e makinës dhe përveç vetë Lilianës kanë goditur të paktën njërin prej fëmijëve. Rodrigo Conceição është pjesë e skuadrës kryesore të “Dragons”, ndërsa José Conceição, anëtari më i ri i familjes, tashmë ka nisur rrugëtimin e tij si futbollist te FC Porto duke iu bashkuar U-8.
Situata gjeneroi akoma më shumë indinjatë kur nga të gjitha mjetet e rreshtuara njëra pas tjetrës në trafikun e rënduar nuk u qëlluan, vetëm ajo ku ndodhej familja e trajnerit të FC Porto. Një sulm i dhunshëm që e la të tmerruar, nga frika jo vetëm për integritetin e saj, por edhe për sigurinë e fëmijëve.
Situata u bë e njohur shpejt për Sérgio Conceição dhe, pavarësisht se rasti u raportua në PSP, veprimet e autoriteteve u përshkruan, sipas një burimi me dijeni për ngjarjen, si shumë pasive për sa i përket seriozitetit të fakteve dhe rrezikut të lëndimeve të rënda.
Ende nuk është siguruar një perimetër efikas i sigurisë që të përmbajë ndonjë provë të incidentit të rëndë, pas një disfate të pazakontë në “Estádio do Dragão” (humbja 4-0 ndaj Club Brugge në Champions), e cila, sipas të njëjtit burim, prodhoi këtë ngjarje të shëmtuar.
Familja e Sérgio Conceição është e tronditur, edhe nga vetëdija se puna e trajnerit, i cili është në sezonin e 6-të në krye të FC Porto, ka qenë e jashtëzakonshme dhe e përkushtuar. Për më tepër, së fundmi u kurorëzua me fitimin e kampionatit, Kupës së Portugalisë dhe Superkupës, ndaj as disfata 4-0 ndaj Club Brugge, në xhiron e dytë të fazës së grupeve të Champions League, nuk mund ta justifikojë këtë akt dhune.
Përveç gruas së tij, ky akt i dënueshëm shënjestroi edhe dy nga fëmijët e tyre, duke shkaktuar irritim të madh. Pavarësisht revoltës së shkaktuar nga ky episod, që i atribuohet ende një grupi të izoluar mbështetësish, Sérgio Conceição, 47 vjeç, ishte sot në stërvitje si zakonisht, në përmbushjen e detyrave të tij.
