Kreu i Partisë Republikane Fatmir Mediu është takuar ditën e sotme në kongresin amerikan me disa senatorë ku kanë diskutuar në lidhje me marrëdhëniet dypalëshe. Mediu shprehet se të gjithë kanë vlerësuar partneritetin me Shqipërinë si vend i NATO-s.
“Demokracia është në rrezik nga regjimet autoritare si Kina: Irani: Rusia, por dhe ndërhyrjet e tyre në shumë vende Europiane dhe demokracitë e këtyre vendeve”, shkruan Mediu. Ai ka vijuar më tej, se ka marrë pjesë në mëngjes në Capitol Hill(Kongresin Amerikan), me Senator Republikan dhe demokrat i ftuar nga Senatori Jim Inhofe: Senatoren Amy Klobuchar: Sen Kuns: Sen Lankord: Sen Mike Lë: Sen Durbin: Sen Inhofe: Sen King, Sen Mike Rounds: Sen Tim Kane: Senatore Gillibrand etj. “Të gjithë vlerësuan partneritetin me Shqipërinë si vend i NATO-s. Mbështetjen për rezistencën Iraniane: dënuan sulmet kibernetike të Iranit ndaj Shqipërisë, duke konsideruar nevojën për një përgjigje të përbashkët konkrete të SHBA dhe NATO në koordinim me Shqipërinë. Ata vlerësuan angazhimin e deputetëve shqiptar në IPAC. Autoritarizmi është kthyer në një problem për shumë vende, të cilat vuajnë nga korrupsioni, dhe mosrespektimi i të drejtave të qytetarëve”, shkruan Mediu.
