Ish-deputeti Nard Ndoka, kryetari i PDK-së i ftuar në studion e “Ditë e Re” në RTV Ora analizoi situatën politike në vend. Ndoka theksoi se është e domosdoshme të kesh një opozitë të fortë përballë një qeverisjeje të papërgjegjshme.
I pyetur se çfarë na pret tani e tutje, ish-deputeti bëri një deklaratë siç vetëm ai di.
“Do të kemi një opozitë të fuqishme të riformatuar. Nuk shoh problem mes Berishës dhe Metës. Janë dy politikanë që merren vesh edhe në distancë pa u takuar fare. Berishën e PD-në e shoh të çliruar nga pengesat që ka. Nuk është fare pengesë ‘nongrata”, është zhvlerësuar deri në atë masë, tani po na del dhe Basha “Non grata”, mik i Putinit. Zoti është i madh. Vërtet turbullohen disa ujra, koha vetë i qartëson. Ky është lajm i mirë sepse vendi ka nevojë për një opozitë të fortë, institucionale dhe të japë alternativën.
Rama tani është i panikuar si politikan. Ka kolegët e tij në burg, disa nën hetim. Shigjetat janë drejtuar tek ai. Incineratorët janë vjedhja e shekullit dhe është e pakalueshme për të. Rama nuk e ka mendjen të qeverisë por të krijojë lajme”, tha Ndoka.
