Sot është dita e fundit e homazheve për Mbretëreshën Elizabeth II. Arkivoli i saj do të qëndrojë në Westminster Hall deri në orën 6:30 të mëngjesit nesër, dhe pastaj do të përcillet për në banesën e fundit.
Sakaq, gazetari Blendi Fevziu ka udhëtuar drejt Londrës dhe momentalisht ndodhet në Westminster Hall. Ai ka dhënë detaje mbi atë që po ndodh në Britaninë e Madhe.
“Homazhet nuk kanë ndaluar për asnjë sekond. Radha të paktën dje në mbrëmje raportohej rreth 19 orë, pra personat që dilnin nga holli i Westminster deklaronin se kishin qëndruar rreth 19 orë në radhë. Këtë moment unë ndodhem në krah të Buckingham Palace, ku është përcaktuar vendi ku do të vendosen lulet dhe mesazhet që qytetarët britanikë dërgojnë për Mbretëreshën Elizabeth II në nder të saj.
Është një hapësirë prej hektarësh të tëra ku janë vendosur lule dhe mesazhe nga çdolloj moshe dhe nga çdolloj vendi të botës. Janë me qindra-mijëra njerëz që lëvizin nëpër një radhë për të ardhur dhe janë instruktuar të mos qëndrojnë më shumë se 5 minuta për të ju hapur radhën të tjerëve që vijnë”, tha Fevziu.
