Te Juventusi ka plasur edhe një çështje tjetër, ajo mes ultrasve bardhezi dhe kapitenit, Leonardo Bonucci.
Pas rezultateve, paraqitjeve të ekipit, shkarkimit të mundshëm të Massimiliano Allegri dhe lëvizjeve në klub, tani ka plasur edhe një çështje në shtëpinë juventine, mes tifozerisë që i kanë dalë hapur kundër Bonuccit.
Ultrasit e “Zonjës së Vjetër” kanë dalë me një komunikatë zyrtare ku kanë deklaruar se kapiteni i skuadrës, Bonucci nuk ka qenë dhe nuk do të jetë një lider:
“Sjellja e lojtarëve profesionistë si viktima për të parë ultrasit kur ata i vërshëllejnë dhe i ofendojnë, duket absurde.
Rezultati mund të jetë vetëm formimi i një grupi të dobët dhe plot negativitet. E kundërta me çfarë duhet në sport. Nuk dihet cilët lojtarë flasin dhe kush i thotë të bëjnë gjëra jashtë profesionit.
Jemi dëshmitarë të skenave që nuk i kuptojmë dhe na bëjnë të buzëqeshim, ose më mirë skena qesharake të konceptuara nga ata që qëndrojnë si lider, por sillen si një viktimë.
Bonucci nuk ka qenë dhe nuk do të jetë kurrë lider”, shkruhej në komunikatë.
