Gazetari Artan Hoxha ka qenë ftuar në emisionin “Të Paekspozuarit”, ku ka rrëfyer detaje nga vizita e tij në Ekuador.
Hoxha tha se në Ekuador paguhej me lingota ari dhe se paratë kishin dalë nga ‘qarkullimi’.
“Edhe grupet tona atje paguanin me lingota ari, me diamante e të tjera, imagjinoje ç’ndodhte me të tjerat,”- tha ai ndër të tjera.
Po ashtu gazetari u shpreh se kompani të fuqishme hidrokarburesh në vend punojnë me paratë e ardhura nga trafiku i kokainës në Ekuador. Hoxha tha se këto kompani kanë nevojë për para kesh dhe ata nuk e kanë problem këtë. Ai tregoi dhe bisedën që kishte zhvilluar me një trafikant në Ekuador i cili, i kishte rrëfyer se nëse do “gërmosh” tek këto kompani do gjesh ata.
“Organizatat kriminale shqiptare janë fokusuar nga kokaina dhe kompanitë më të fuqishme po punojnë me ato para. Hidrokarburet, deri tek puset kishte shkuar. Se të hapësh një pus shpimi duhen para dhe ata se kanë problem të japin para kesh. Në ekuador ata thanë i kemi paratë por skemi ku t’i çojmë por po të shkosh tek kompanitë e mëdha në Shqipëri na ke aty”, tha gazetari.
