Johnny thuhet se po del me një avokate me bazë në Londër të quajtur Joelle Rich. Avokatja përfaqësoi aktorin e “Pirates Of The Caribbean” gjatë gjyqit me gazetën The Sun në vitin 2018, të cilin ai e humbi. Një burim tha për median Us Weekly se gjërat janë serioze mes tyre.
Rich ishte një nga avokatët që punoi në çështjen e Depp kundër gazetës në Mbretërinë e Bashkuar pasi ai paditi median për shpifje në 2018, por ajo nuk ishte pjesë e ekipit ligjor që e përfaqësoi atë në gjyqin e tij për shpifje kundër ish-gruas Amber Heard në fillim të këtij viti, që u mbajt në SHBA.
Megjithatë, ajo ishte e pranishme në sallën e gjyqit në Virxhinia për të treguar mbështetjen e saj për të nominuarin për Oscar. “Nuk kishte asnjë detyrim profesional që të ishte atje. Ishte personale”, tha burimi duke shtuar se dyshja u takuan fshehtazi gjatë fazave të hershme të romancës së tyre.
