Aktori Leonardo DiCaprio dhe modelja Gigi Hadid janë zyrtarisht çifti më i ri i showbizz-it. Spekulimet se ka diçka mes tyre kanë nisur para disa ditësh dhe madje ata u fotografuan mjaft të afërt me njëri-tjetrin por vetëm së fundmi burimet kanë konfirmuar se ata janë zyrtarisht bashkë.
“Ai mendon se ajo është sigurisht e bukur, por gjithashtu një personazh i mençur dhe i lezetshëm, e cila ka një pamje shumë të kulturuar dhe të arsimuar për jetën,” tha një burim për Us Weekly. Burimi shtoi se ata kanë shumë miq të përbashkët dhe të gjithë janë të lumtur t’i shohin së bashku.
Interesi i aktorit për Hadid vjen vetëm pak kohë pasi i dha fund lidhjes gati 5 vjeçare me modelen Camila Morrone. Së fundmi është raportuar se arsyeja e ndarjes ka të bëjë me faktin se DiCaprio ka dashur fëmijë ndërsa modelja nuk ka për qëllim që të sakrifikojë karrierën për dëshirën e tij.
