Një fotograf ka kapur një moment të veçantë ku shihet një gorillë që mban dorën e një infermiereje gjatë një kontrolli shëndetësor. Gorilla e quajtur Koga ka qenë në kopshtin zoologjik Buffalo, Nju Jork, që nga viti 2007, ku gjithashtu merr një kontroll shëndetësor dy herë në vit.
Fotografia tregon kafshën pa ndjenja ndërsa ekipi i veterinerëve kontrollon shëndetin e tij. Christian Dobosieëicz arriti të kapte një moment të gorilës duke shtrënguar dorën e infermieres. Ekipi i kopshtit zoologjik po kontrollonte dhëmbët, sytë, muskujt, nyjet dhe zemrën e Koga-s.
Për t’iu nënshtruar kontrollit, Koga është dashur të vendoset pa ndjenja. “Është një proces i madh dhe kërkon një ekip për të siguruar që gjithçka të shkojë mirë. Ai është i madh dhe mund të jetë një kafshë shumë e rrezikshme, kështu që mund të jetë e tensionuar në fillim, por ekipi ynë është i jashtëzakonshëm.”
