Kryeministri Edi Rama ka reaguar për ndarjen nga jeta të piktorit të njohur Sali Shijaku.
“Lamtumirë i madhi Sali Shijaku”, shkruan Rama.
Sali Shijaku ishte një nga mjeshtrat e rrallë të pikturës. Një artist ekspresionist që u bëri sfidë edhe metodave të ngurta të realizmit socialist gjatë periudhës së komunizmit. Ai mbeti artisti i ngjyrave origjinale dhe trumfator i lirisë krijuese në art.
Homazhet në nder të artistit të njohur janë organizuar nga Bashkia e Tiranës dhe do të zhvillohen ditën e nesërme në hollin e Teatrit të Operas dhe të Baletit nga ora 10:00-12:00.
Vokacioni i artistit është të ndriçojë thellësitë e shpirtit njerëzor me dritë dhe sot mjeshtri i madh i pikturës shqiptare Sali Shijaku ndriçohet nga drita e parajsës. Sali Shijaku lindi më 12 Mars 1933 në Tiranë.
