Dita e sotme do të shënojë dhe mbylljen e grupit 3 të Nations League. Italia e Mancinit do të përballet me Hungarinë, në një përballje direktë për vendin e parë, me italianët që e kanë ‘detyrim’ fitoren.
Nga ana tjetër Anglia do të përballet me Gjermaninë, me kombëtaret që i kanë vulosur pozicionet e veta dhe nuk do ta kenë shumë të nevojshme të “sforcohen”.
Ndjekim disa nga titujt kryesorë të mediave sportive:
Gazeta madrilene AS hapet me titullin: “Super kampion”. Real Madrid shpallet kampion i Superkupës së Basketit për të pestën herë radhazi, i katërti kundër Barçës.
La Gazzetta dello Sport hapet me Maldinin i cili paralajmëron të gjithë: “Ne do ta mbajmë Leaon”, Maldini tha: “Rafa e di që rruga e tij e rritjes është te Milani dhe ndiej se kam një shans të mirë për të gjetur një marrëveshje. Këtë vit jemi edhe më të fortë”.
Corriere dello Sport hapet me Ligën e Kombeve: “Duaje Italinë”. Mancini shkon në Hungari me objektivin për fitore.
Tuttosport hapet me ‘këshillat’ e Massimo Mauro drejtuar Dusan Vlahovic për të përmirësuar performancën e tij: “Vlahovic, studio Batistutën”.
“Bernardo Silva Po ose Po” ka shkruar katalanasja Mundo Deportivo. Barça është e vendosur ta bëjë mesfushorin e Cityt nënshkrimin e tyre të madh verën e ardhshme.
“Superkampionët” shkruan edhe prestigjiozja Marca. Super Kampion. Një Tavares i madh i udhëheq lojtarët e Chus Mateo për të fituar Superkupën e tyre të pestë radhazi. 
Gazeta Sport hapet me titullin: “Ansu, e gjithë e vërteta”.Fati bën punë specifike për t’u kthyer në atë që ishte. Një sulmues bën 50 sprint për ndeshje dhe Ansu ende nuk mundet. 
Në Portugali, A Bola kryeson me Cristiano Ronaldon dhe shënon disi fundin e një epoke, prania e tij nuk është më aq vendimtare për kombëtaren portugeze. “Më pak Ronaldo, më shumë Portugali”, analizat numerike flasin vetë: ndikimi i CR7 nuk është më i njëjti as në kombëtare.
