Memphis Depay dhe Frenkie de Jong e kanë paguar shtrenjtë, me lëndime, pjesëmarrjen me kombëtaren e tyre. Ashtu si Koundé dhe Araujo, ata nuk kanë arritur të kryejnë angazhimet me kombëtaret përkatëse. Të dy iu janë nënshtruar testeve mjekësore pasditen e djeshme me Barçën, të cilat kanë konfirmuar shqetësimet.
Memphis, siç raportohet nga Barcelona, ka një dëmtim në bicepsin femoral të këmbës së majtë. Frenkie de Jong, nga ana e tij, ka një zgjatje në gjysmëtendinozin e këmbës së majtë.
Klubi katalanas, përmes një deklarate ka raportuar shqetësimin se nuk janë në dispozicion të trajnerit Xavi, por nuk ka treguar kohën e parashikuar që duhet të qëndrojnë larg fushave të lojës. “Evolucioni i tyre do të përcaktojë disponueshmërinë”, – thuhet në njoftim.
Dy lojtarët holandezë kanë humbur rolin e titullarit në këtë sezon. Sulmuesi ka marrë pjesë vetëm në tri ndeshje: gjithsej 131 minuta. Mesfushori nga ana e tij ka qenë i pranishëm në tetë ndeshjet që ka luajtur skuadra blaugrana, ndonëse ka nisur si titullar vetëm gjysmën e tyre.
