Presidenti rus Vladimir Putin ka të ngjarë të shpallë aneksimin e rajoneve të okupuara të Ukrainës në Federatën Ruse gjatë një fjalimi në parlament më 30 shtator, sipas Ministrisë Britanike të Mbrojtjes, ndërsa një këshilltar presidencial ukrainas tha se ukrainasit, të cilët ndihmojnë në kryerjen e referendumet, ata do të përballen me akuza për tradhti dhe burgim prej të paktën pesë vjetësh. Referendumet, aktualisht duke u zhvilluar në katër provinca të Ukrainës, do të përfundojnë sot dhe “udhëheqësit e Rusisë pothuajse me siguri shpresojnë se një njoftim për përfshirjen e këtyre zonave në Federatën Ruse do të shihet si një justifikim për operacionin ushtarak special dhe do të forcojë mbështetjen patriotike për konfliktin”, tha Ministria Britanike e Mbrojtjes.
Ndërkohë, këshilltari presidencial ukrainas Mykhailo Podoliak deklaroi në një intervistë për gazetën zvicerane Blick se kanë një listë me emra të njerëzve që kanë marrë pjesë në një farë mënyre në mbajtjen e referendumeve.
“Po flasim për qindra bashkëpunëtorë (të forcave pushtuese). Ata do të ndiqen penalisht për tradhti. Ata përballen me dënime të paktën pesë vjet burg”, shtoi ai.
Podoliak tha se ukrainasit që u detyruan të votonin nuk do të ndëshkoheshin.
Moska shpreson të aneksojë provincat Kherson, Luhansk, Donetsk dhe Zaporizhia në Ukrainën lindore dhe jugore, të cilat përbëjnë rreth 15 për qind të Ukrainës.
