ryesia e Partisë Socialiste pritet të mblidhet pasditen e sotme në orën 18:00.
Mbledhja është thirrur nga kryeministri Rama. Në fokus të diskutimeve me dyer të mbyllura pritet të jenë përgatitjet për zgjedhjet lokale.
Emrat e kryebashkiakëve që do të garojnë në zgjedhjet lokale të 2023 do të vendosen nga kryesia e PS, ndryshe nga Partia Demokratike e cila po nis procesin e primareve.
Gjatë mbledhjes së sotme pritet që kryeministri Rama të bëjë ndarjen e kryebashkiakëve në tre kategori: kush do të rikandidohet, kush nuk ka asnjë shans dhe kush nga emrat është në pikëpyetje.
Por siç është raportuar në media, mësohet se emrat nuk do të dalin sot.
Megjithatë, kryebashkiaku i Vlorës, Dritan Leli është një “emër i djegur.” Për shkak të mosmarrëveshjeve të vazhdueshme me kryeministrin Rama, Leli nuk do të rikandidojë më për të qenë në krye të bashkisë së Vlorës.
