Ardian Kola, i njohur për publikun si Dj Cherry, dj i emisionit të Arian Çanit, është arrestuar nga Policia e Gjirokastrës, pasi akuzohet si autor i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit.
Policia njofton se DJ i njohur merrte para dhe ndihmonte refugjatët. Ai ka qenë duke lëvizur me automjetin e tij, kur është pikasur nga policia.
Njoftimi i policisë:
Ky shtetas më datë 19.06.2022, në vendin e quajtur “Ura e Lumit”, nuk i është bindur urdhrit të punonjësve të Policisë për të ndaluar automjetin, por ka vazhduar lëvizjen me shpejtësi dhe më pas ka braktisur automjetin me të cilin dyshohet se po transportonte 5 emigrantë të paligjshëm nga vendet MENA, në drejtim të Tiranës, kundrejt fitimit.
