Fokusi kryesor i mediave sportive do të kthehet në Portugali, aty ku ‘Seleçaot’ u mposhtën nga Spanja në minutat e fundit të ndeshjes. Portugezët humbën mundësinë për tu kualifikuar në gjysëm finalen(final four) e Ligës së Kombeve.
Ndjekim disa nga titujt kryesorë për ditën e sotme:
AS hapet me titullin kushtuar mbretërorve: “Fund i lumtur”. Spanja kualikohet e me anë të një goli nga ana e Morata-s në minutën e 88 dhe do të luftojë për Ligën e Kombeve në qershor 2023 së bashku me Italinë, Holandën dhe Kroacinë.
Edhe Marca vendos gjithashtu të njëjtin titull duke e titulluar si një “Fund të lumtur”.
“Epik!” është titulli i katalanases Sport. Spanja kualifikohet heroikisht në Final Four të Ligës së Kombeve.
La Gazzetta dello Sport hapet me pikën e kthesës te Interi: “Rimbushja e Zhang”. Presidenti sjell më shumë buxhet për të mbuluar humbjet: nuk dëshiron të shkëputet nga klubi zikaltër dhe njofton rritjen e kapitalit ”.
“Rrethimi i Zhang” ka shkruar e përditshmja italiane Corriere dello Sport, e cila vendos një titull të kundërt nga gazeta paraprake. Zhang kërkon blerës, tifozët e kontestojnë dhe Mou është gati të godasë.
Tuttosport hapet me titullin kushtuar sulmuesit serb të Juves: “Ja ku është”. VlahoviC i rikthehet golit me Serbinë pas asistimit të Kostic-it (2-0 ndaj Norvegjisë).
Nga ana tjetër, portugezi përtyp hidhur, dhe A Bola titullohet: “Mizor”, një titull që përmbledh mirë zhgënjimin, me fytyrën e Cristiano Ronaldos në faqe të plotë. CR7 është gjithnjë e më në krizë dhe ishte një nga më të dobëtit në fushë, nëse jo më i dobëti.
Në Britani, Mirror Sport nxjerr në pah mendimin e trajnerit të Anglisë: “I papranueshëm”. Megjithë një demonstrim të ndotur gabimesh, Southgate mes polemikash pohon për Maguire: “Unë e zgjedh atë sepse ai na jep mundësinë tonë më të mirë për lavdinë e Kupës së Botës “.
