Ushtari rus mes lotësh: S’kemi marrë asnjë lloj trajnimi! Po na dërgojnë në front (Video)

113 563 lexime

124,178FansaPëlqeje

Prej kohësh Rusia është përfshirë nga kaosi pas urdhrit të presidentit Vladimir Putin për mobilizim ushtarak të popullit.

Ndërkohë, mediat britanike kanë publikuar sot dëshminë e një ushtari rus i cili ka treguar se nuk kishte marrë asnjë trajnim para se të dërgohej në front. Ai ka treguar se nuk ka pasur asnjë trajnim të asnjë lloj, qoftë teorik apo praktik.

Mark Krutov, korrespondent i Shërbimit Rus të Radios Evropa e Lirë, i cili është përshkruar si një nga gazetarët kryesorë investigativë në Rusi, ka postuar në Twitter një video të një ushtari rus i cili u mobilizua së fundmi.

Ushtari i paidentifikuar u dërgua në “regjimentin e parë të tankeve”, por ka pohuar se ata po dërgohen në Kherson në Ukrainën jugore pa ndonjë trajnim bazë. Zona ka pasur luftime të ashpra.

“Përshëndetje të gjithëve nga  regjimenti i parë i tankeve . Na u tha zyrtarisht se nuk do të kishte asnjë stërvitje para se të dërgoheshim në zonën e luftës. Komandantët e regjimentit e konfirmuan këtë. Më 29 shtator do të dërgohemi në Kherson. Mendoni vetë, vendosni vetë se çfarë do të bëni. Nuk ka pasur stërvitje për gjuajtje, stërvitje teorike, asgjë”, dëgjohet të thotë ushtari në video.

Javën e kaluar, Vladimir Putin urdhëroi mobilizimin e parë të Rusisë që nga Lufta e Dytë Botërore, si pjesë e planeve për të rekrutuar deri në 300,000 trupa shtesë në një përpjekje të dëshpëruar për të rimarrë kontrollin e zonave të çliruara nga ushtria e Zelenskyt. Mobilizimi i pjesshëm nxiti shpejt një reagim të furishëm në Rusi, me forcat e sigurisë që arrestuan gati 1,400 njerëz në 38 qytete deri në fund të së njëjtës ditë.

Lexo edhe :  “Fillon të çmendesh”/ Dëshmia e australianit që mbijetoi pesë vjet në një burg kinez

Plani i mobilizimit të Putinit ka ndezur panik të madh në Rusi, me një eksod masiv të burrave që ikin nga vendi nga frika se do të detyrohen të luftojnë në Ukrainë. Të hënën, Kremlini tha se nuk ishte marrë asnjë vendim nëse do të mbylleshin kufijtë e Rusisë për të ndaluar një eksod të burrave të moshës ushtarake që iknin nga vendi. Kur u pyet për mundësinë e mbylljes së kufirit, zëdhënësi i Kremlinit Dmitry Peskov u tha gazetarëve: “Unë nuk di asgjë për këtë. Për momentin, nuk është marrë asnjë vendim.”

Raportet se Rusia mund të mbyllë kufijtë e saj i kanë shtuar skenat kaotike që pasuan urdhrin e Putinit për të thirrur qindra mijëra rezervistë në përshkallëzimin më të madh të luftës në Ukrainë. Fluturimet jashtë Rusisë janë bllokuar shpejt dhe makinat janë fotografuar të rreshtuara për disa milje në pikat e kontrollit kufitar në Gjeorgji.

Të fundit

Tottenham thyen “mallkimin” pas 17 vitesh dhe fiton trofeun e Europa League ndaj United

Tottenham i është kthyer fitoreve të  trofeve duke fituar pas 41 vitesh nga hera e fundit turneun e Ligës...

Gjysmëfinalja e Nations League ndaj Spanjës, Franca publikon listën

Franca do të përballet me Spanjën në fillimin e qershorit, në sfidën e vlefshme për gjysmëfinalen e Nations League. Para sfidës, trajneri i “Gjelave”,...

I penduari Nuredin Dumani, zbulohet për herë të parë akt-marrëveshja me drejtësinë

Pas transferimit në spitalin e burgut, në prani të ish drejtorit të Përgjithshëm të Policisë dhe ish drejtorit të Krimeve, ai shprehu gatishmërinë për...

FOTO: kush është “Visi i Pojës”, i përfshirë në trafikun ndërkombëtar të drogës

Personi në foto është Elvis Doçi i njohur me nofkën "Visi i Pojës", ndaj të cilit ka një urdhër arrest si pjesë e grupit...

Dini gjë pse është zhdukur Floriana Garo?

Që nga 11 maji, një personazh interesant nuk është dukur më në rrjetet sociale dhe konferencat për shtyp të PD. Bëhet fjalë për zëdhënësen...

Lajme të tjera

Web TV