Një pyetje mbi deklaratën e Cikalleshit, që tha se është gati të largohet, ngacmoi jo pak trajnerin Edi Reja, që nuk ngurroi të thumbojë edhe sulmuesit e tij, teksa me shifra shpjegoi se lojtarët e tij nuk arritën të shënojnë…
“Unë nuk kam asnjë keqardhje, pasi kam bërë një punë të mirë dhe jam munduar të ndihmoj skuadrën. Nuk jam unë problemi i Shqipërisë, pasi po të ishte kështu, presidenti do të ma kishte thënë”, tha Reja.
“Nëse ma thotë diçka të tillë, nuk ka asnjë problem për mua. Unë jam munduar të përmirësoj qoftë individët, qoftë skuadrën. Ne sot ishim në epërsi numerike dhe duhej të mbyllnim ndeshjen, por nëse kjo nuk ndodh, atëherë nuk është faji im. Ata kanë bërë 5 gjuajtje dhe katër prej tyre në kuadrat. Ne kemi bërë 21 gjuajtje dhe vetëm 4 në kuadrat, ndaj nëse nuk janë të zotët ta dërgojnë topin në rrjetë, nuk kam çfarë të bëj. Duhet të përmirësohemi në këtë aspekt”.
Edhe për Myrto Uzunin skuadra duhej të kishte realizuar golin e dytë shumë shpejt në mënyrë që të kishte marrë fitore ndaj Islandës. Duke folur për “Super Sport” pas barazimit 1-1, Uzuni theksoi se nuk e kupton faktin që në fund e pësojnë gjithmonë, por shtoi se ndjehet keq që i zhgënjyen tifozët.
“E nisëm lojën shumë mirë, kartoni i kuq, shënuam shumë herët, mendoj se duhet të kishim shënuar golin e dytë shpejt. Nuk e di pse na ndjek ky fat në fund. Normal që jemi të zhgënjyer sepse e kishim detyrim të merrnim fitoren për tifozët, por nuk e di pse na ndjek ky fat në fund.”
Si u ndjetë nga reagimi i tifozëve? “Normal nuk ndjehemi mirë, pasi tifozët janë nxehur sepse kanë lënë punët e tyre e kanë ardhur këtu.” Pse aq panik në fund?
“Duhej të shënonim golin e dytë sa më shpejt, kur doli lojtari ynë u bë më e vështirë, me më shumë përqendrim në fund mund ta evitonim atë gol.
