Gjetja e Interit të tij përsëri është një mundësi për José Mourinhon që të kthehet në rijetimin e sukseseve dhe dashurive të vjetra. “Gazzetta dello Sport” mblodhi përjetimet e tij në prag të një ndeshjeje, e cila, përtej nostalgjisë, do të thotë shumë për Romën e tij.
Megjithatë, tripleta historike nuk është në krye të listës së fitoreve, që i kanë dhënë më shumë emocione trajnerit portugez: “Për mua është e pamundur të zgjedh, çdo fitore është e veçantë dhe çdo trofe është unik në mënyrën e vet. Kjo është arsyeja pse dëshira ime për të fituar nuk do të më shuhet kurrë”.
E pashmangshme të flitet për Tottin, duke menduar se ai më në fund mund të kthehet te Roma: “Ky problem nuk ekziston. Francesco është dhe do të jetë gjithmonë një simbol i këtij ekipi, çfarëdo që të ndodhë dhe pavarësisht se çfarë vendos të bëjë me jetën e tij”.
Mourinho foli më pas për dallimet mes dy qyteteve të mëdha italiane, në të cilat punoi: “Milano dhe Roma janë qendrat nervore të Italisë. Milano është motori i ekonomisë së vendit, ndërsa Roma është qendra e pushtetit politik dhe, mund të thuhet, muzeu i hapur i historisë italiane. Unë e konsideroj veten me fat që pata mundësinë të jetoj në të dy qytetet”.
Në fund ia kushton mendimet e tij dëshirës për t’iu dhënë sukses verdhekuqve përpara se ta përfundojë përvojën e tij në kryeqytet: “Do të përpiqem me gjithë zemër”.
