Në Francë ka nisur gjuetia ndaj milionerëve me avionë privatë në pronësi për shkak të ndotjes së madhe që shkaktojnë charterat e tyre krahasuar me numrin e personave që transportojnë.
Në syrin e stuhisë kanë përfunduar edhe të famshmit e futbollit ku nuk bën përjashtim as Lionel Messi. Sipas një studimi të “L’Equipe”, argjentinasi ka udhëtuar disa herë drejt vendit të lindjes me avionin privat, duke e ndotur ambjentin aq sa mund ta ndosë një francez mesatar për 150 vite.
Numri 10 ka kryer 52 udhëtime me avionin e tij privat që nga 1 qershori deri në 31 gusht. 30 udhëtime ishin kontinentale dhe 14 përtej Atlantikut duke shkaktuar ndotje karboni në nivele të frikshme. Sipas përllogaritjeve, charteri i Messit ka emetuar 1502 ton dioksid karboni.
Një tërheqje veshi për talentin nga Rosario në kulmin e një fushate globale për mbrotjen e planetit dhe frenimin e ndotjes përpara se të jetë shumë vonë.
