Së fundmi Twitter ‘zien’ nga disa deklarata ‘hidh e prit’ nga presidenti i Ukrainës dhe miliarderin Elon Musk.
Musk u ka bërë thirrje përdoruesve të Twitter që të votojnë pro ose kundër propozimit të tij për t’i dhënë fund pushtimit rus të Ukrainës. Presidenti Volodymyr Zelenskyy postoi sondazhin e tij duke pyetur përdoruesit nëse u pëlqente më shumë personi më i pasur në botë kur mbështet Ukrainën.
“Cili Elon Musk ju pëlqen më shumë?” ishte pyetja e shtruar nga Zelensky, duke ofruar dy opsione: ai që mbështet Ukrainën apo ai që mbështet Rusinë?
Musk, njeriu më i pasur në botë, propozoi mbajtjen e referendumeve në katër rajonet e Ukrainës – të cilat Rusia njoftoi javën e kaluar t’i aneksojë – me kusht që vëzhguesit e OKB-së të mbikëqyrin procesin. Referendumet e mbajtura në Donetsk, Luhansk, Zaporizhia dhe Kherson u dënuan nga Kievi dhe Perëndimi si “të paligjshme”.
“Rusia po largohet nëse ky është vullneti i popullit”, ka shkruar Musk.
Shefi i Tesla-s propozoi që Krimea të cilën Moska e kapi dhe e aneksoi në vitin 2014 – të njihet si pjesë e Federatës Ruse, që të garantohet furnizimi me ujë i Krimesë dhe që Ukraina të mbajë një qëndrim neutral. Ai u kërkoi përdoruesve të Twitter të votojnë “po” ose “jo” për propozimin.
“I dashur Elon Musk, kur dikush tenton të vjedhë rrotat e Teslës, ata nuk e marrin me ligj atë. Edhe nëse pretendojnë se e kanë votuar”, komentoi presidenti lituanez Gitanas Nausenda.
