Sampdoria ka njoftuar zyrtarisht se Dejan Stankovic është bërë trajneri i ri i tyre.
Trajneri 44-vjeçar serb ishte së fundmi në krye të Crvena Zvezda Beograd, duke u larguar nga klubi pas dy vitesh e gjysmë këtë verë. Gjatë kohës së tij në kampionat, Stankovic drejtoi 130 ndeshje në total, duke arritur mesatarisht 2.51 pikë për lojë dhe duke e udhëhequr klubin drejt tre titujve të Superligës serbe dhe dy kupave të Serbisë.
Sampdoria shkarkoi ish-trajnerin Marco Giampaolo në fillim të kësaj jave pas fillimit të tmerrshëm të sezonit. Skuadra liguriane aktualisht është në fund të tabelës së Serie A, duke marrë vetëm dy pikë nga tetë ndeshjet e para.
Stankovic ka një punë të vështirë përpara pasi ai kërkon ta udhëheqë ekipin nga zona e rënies përpara se gjërat të fillojnë të nxehen pas pushimit të Kupës së Botës. Ai nënshkroi një kontratë njëvjeçare me klubin, me opsionin për një vit shtesë.
Trajneri serb e njeh mirë futbollin italian, pasi ka kaluar gjashtë vite me Lazion dhe nëntë me Interin gjatë karrierës së tij. Si lojtar, Stankovic fitoi gjashtë Scudetto, gjashtë Coppa Italia, gjashtë Supercoppa Italia, Kupën UEFA, Champions League dhe Kupën e Botës për Klube.
