Deputeti demokrat, Oerd Bylykbashi ishte i pari nga përfaqësuesit e politikës që u takua sot me Presidentin Barjam Begaj për të folur për datën e zgjedhjeve lokale.
Ish kryeministri Sali Berisha, ka sqaruar për mediat dhe se si qëndron e vërteta, nëse e ka kërkuar Bylykbashi atë takim, pra PD, apo ka qenë Presidenti iniciatori.
Berisha ka sqaruar se Bylykbashi është kontaktuar për të shkuar me ftesë të Presidentit.
“Jo një por dy zyrtarë të lartë të presidencës, njëri shef kabineti, i kanë telefonuar Bylykbashit për t’i komunikuar kërkesën e Presidentit për takim duke i komunikuar se bëhet fjalë për zgjedhjet lokale. Çdo variant tjetër ëshë gënjeshtër. Çdo përpjekje e Edi Ramës për të parandaluar fitoren e opozitës e rikthimin e saj në pushtet do dështojë në mënyrën më të plotë.- tha Berisha
