test

Veliaj me homologun nga Polonia: Bashkëpunim për ngjarjet kulturore dhe sportive

113 563 lexime

124,178FansaPëlqeje

Kryetari i Bashkisë së Tiranës, Erion Veliaj priti në takim Jacek Sutryk, kryetarin e Bashkisë së Wrocław, një nga qytetet më të rëndësishme në Poloni, me të cilin diskutoi për të rritjen e bashkëpunimit mes dy vendeve, tani që Tirana mban titullin “Kryeqyteti Evropian i Rinisë”, si dhe për vitin e ardhshëm, ku synon titullin “Qyteti Evropian i Sporteve”.

“Wrocław është një qytet me eksperiencë të jashtëzakonshme sepse ka qenë kryeqyteti Europian i Kulturës, po ashtu edhe një nga qytetet kryesore që ka promovuar sportin. Për Tiranën, që këtë vit është Kryeqyteti Evropian i Rinisë, dhe vitin tjetër synon të jetë Qyteti Evropian i Sporteve, është një mënyrë e mirë për të marrë eksperiencë. Teksa shikojmë rritjen e numrit të turistëve dhe investitorëve nga Polonia, që përfshihen në aktivitete kulturore dhe sportive, do të thotë se kemi një marrëdhënie shumë të veçantë, që duhet ta kultivojmë”, u shpreh Veliaj.

Kryebashkiaku ftoi delegacionin nga Polonia që të rikthehen në kryeqytetin shqiptar për të qenë pjesë e Maratonës së Tiranës, e cila do të zhvillohet më 23 Tetor, e ku do ketë pjesëmarrës nga e gjithë Europa.

“Mezi pres të riktheheni këtu për Maratonën e Tiranës, ku do të kemi vrapues jo vetëm nga Shqipëria, por nga e gjithë Europa, në një nga manifestimet sportive më të bukura të Tiranës. Shpresoj shumë që raportet mes nesh, tani që kemi edhe një fluturim direkt mes dy qyteteve tona, t’i kultivojmë, sidomos për të rinjtë. Është shumë mirë që gjenerata jonë ka nostalgji nga kohët kur Shqipëria dhe Polonia kishin një raport special me njëri-tjetrin, por ka ardhur koha që këtë raport special, t’ua transferojmë edhe të rinjve tanë, që edhe ata të kenë mundësi të njohin njëri-tjetrin dhe pastaj të jenë aleatë përjetë”, nënvizoi kreu i Bashkisë.

Lexo edhe :  Media australiane 'ELLE': Shqipëria, perlë e turizmit evropian në zhvillim

Kryetari i Bashkisë së Wrocław, Jacek Sutryk tha: “Jam shumë i lumtur për këtë mikpritje dhe që sot nisim një bashkëpunim shumë të rëndësishëm midis Tiranës dhe Wrocław. Wrocław është një qytet tejet i hapur, miqësor dhe në vitin 2016 ne ishim Kryeqyteti Evropian i Kulturës.”

Të fundit

Shqipëria befason Dalicin, trajneri i Kroacisë: Nuk e prisja kaq të vështirë

Trajneri i Kroacisë, Zlatko Dalic doli në konferencë pas barazimit 2-2 me Shqipërinë në Europian. “Ky është një turne në...

Takimi i parë i eurodeputetëve në Greqi, pjesë edhe Fredi Beleri, zbardhen detajet

Në takimin e parë të eurodeputetëve të partisë së Mitsotakis, ka marrë pjesë nëpërmjet nëpermjet nje video-konference dhe kryebashkiaku i zgjedhur i Himarës, Fredi...

Këngëtari shqiptar jep lajmin e bukur, bëhet baba për herë të parë

Këngëtari i njohur Ermal Meta është bërë baba për herë të parë. Lajmin e bukur e ka dhënë vetë Ermali përmes një postimi në...

Bimët mjekësore, eksporte të sigurta drejt tregjeve elitare të BE-së

Bimët medicinale dhe aromatike janë një pjesë e rëndësishme e ekonomisë në Malësinë e Madhe, duke punësuar qindra burra dhe gra në mbjelljen, grumbullimin...

‘Çmendet’ moti/ Përmbytjet bëjnë kërdinë në këtë vend, 9 viktima dhe 17 të zhdukur

Të paktën 9 persona kanë vdekur dhe 17 të tjerë mbeten të zhdukur për shkak të shirave të dendur në Kinë, njoftoi media shtetërore...

Lajme të tjera

Web TV