Nëse një luftë bërthamore do të shpërthente ndonjëherë, ajo ndoshta nuk do të zgjaste shumë. Për disa ditë, ndoshta një javë, armët bërthamore do të lëshoheshin midis disa vendeve dhe humbjet katastrofike do të ishin të shpejta.
Mes shqetësimeve për kërcënimet e fundit bërthamore të presidentit rus Vladimir Putin ka ardhur një lajm befasues: Departamenti i Shëndetësisë dhe Shërbimeve Njerëzore të SHBA-së tha të martën se shpenzoi 290 milionë dollarë për një ilaç.
Ilaçi është për të trajtuar lëndimet e qelizave të gjakut pas emergjencave radiologjike dhe bërthamore, si pjesë e asaj që tha se ishin përpjekje të gjata për t’u përgatitur për ndikimet e mundshme shëndetësore nga kërcënime për sigurinë kombëtare.
Departamenti Amerikan i Shëndetësisë dhe Shërbimeve Njerëzore bleu ilaçin Nplate nga Amgen Inc (AMGN.O).
Shqetësimet për përdorimin e mundshëm të armëve bërthamore janë rritur pasi presidenti rus Vladimir Putin ka lëshuar paralajmërime në javët e fundit se ai është gati t’i përdorë ato për të mbrojtur Rusinë, duke paralajmëruar se nuk po bënte bllofin.
Dhe në fakt pas Ukrainës, me sa duket edhe SHBA po nis “përgatitjet” për një rast emergjentce.
Nplate, i prodhuar nga prodhuesi amerikan i ilaçeve Amgen, u miratua nga Administrata e Ushqimit dhe Barnave në vitin 2021 për të trajtuar lëndimet e shkaktuara nga sindroma akute e rrezatimit , e njohur gjithashtu si sëmundja nga rrezatimi. (Është miratuar gjithashtu në 2008 për të trajtuar një çrregullim autoimun që shkakton gjakderdhje të tepërt.)
Kjo vjen pas përgatitjeve të Ukrainës duke blerë jod.
